Tauranga voting starts in

About the 2022 Local Elections

The content on this page can be viewed in the following languages

Mō Ngā Pōtitanga ā-Rohe 2022

Whakaputahia ō whakaaro mō te hunga ka tohua hei māngai mō tō hapori mā te pōti i ngā pōtitanga ā-rohe 2022. Ka taea e koe te pōti mai i te 16 o Hepetema ki te 8 o Oketopa.

Mā ngā pōtitanga ā-rohe e whakatau ko wai ō tātau māngai mō tō tātau tāone, takiwā, me ngā kaunihera ā-rohe.

I ētahi wāhi o Aotearoa, ka tū anō ngā pōtitanga ā-rohe mō ngā poari ā-rohe me ngā poari hapori, ngā tarahiti tuku raihana me ētahi atu whakahaere.

Ko te hunga ka tohua ki ngā kaunihera ka riro mā rātau e tuku whakatau mō ō tātau ao o ia rā me te anamata o ō tātau tāone, tāonenui hoki. Ka whakatauhia e rātau me te kohikohi utu, te whakahaere i te whakamahere tāone, me te tuku ratonga pērā i te kohikohi rāpihi, ngā pāka me ngā whare pukapuka.

Kua kore ngā pōtitanga Poari Hauora ā-Rohe e uru mai ki roto i ngā pōtitanga ā-rohe. Kei te whakakapia ngā poari e tētahi rōpū hou, ko Whatu Ora tērā.

Me rēhita hei whakaputa i ō whakaaro 

Mēnā kei runga koe i te rārangi pōti, ka āhei koe ki te pōti i ngā pōtitanga ā-rohe i te wāhi e noho ana koe.

Ka āhei koe ki te rēhita mēnā 18 neke atu rānei ō tau, he kirirarau, he kainoho tūturu rānei nō Aotearoa, ā, neke atu i te kotahi tau mau tonu i te iti rawa tō noho ki Aotearoa i tētahi wā.

RĒHITA, WHAKAHOU TUIHONO RĀNEI

Waea rānei ki 0800 36 76 56 ka tono mai kia tukuna atu tētahi puka rēhita ki a koe.

Tō mōkī rēhita 

Ka tukuna atu he mōkī whakahou rēhita ki ngā tāngata katoa kei te rārangi pōti i roto i te mēra i te wiki tuatahi o te Hūrae 2022.

Ina whiwhi koe i tō mōkī, tirohia mēnā kei te tika ō taipitopito, tae atu ki tō wāhitau.

Mēnā kei te tika, kāore he mahi atu anō māu.

Mēnā kei te hē, whakahoutia ō taipitopito i mua o te 12 o Ākuhata. Ka taea e koe te whakahou ō taipitopito mā tō raihana, uruwhenua rānei o Aotearoa, tō tuakiri RealMe rānei. Me whakarerekē rānei ki te puka i roto i tō puka whakahou, me waitohu ka whakahoki atu.

RĒHITA, WHAKAHOU TUIHONO RĀNEI

Ka tukuna atu e tō kaunihera ā-takiwā ngā pepa pōti ki a koe mā te pōhi ina eke te wā ki te pōti, nō reira he mea nui kei te rēhita koe ki te wāhi noho tika.

Mēnā kāore koe i whiwhi i tētahi mōkī rēhita

Ki te kore koe e whiwhi i tētahi mōkī i te wiki tuatahi o Hūrae, ko te āhua nei kāore koe i te rēhita ki te pōti, kāore rānei ō taipitopito i te hou rawa.

RĒHITA, WHAKAHOU TUIHONO RĀNEI

Waea rānei ki 0800 36 76 56 ka tono mai kia tukuna atu he puka ki a koe.

Mēnā ka rēhita koe i muri i te Paraire 12 o Ākuhata

Ki te rēhita koe i mua o te waenganui pō o te 12 o Ākuhata 2022, kāore koe e whiwhi i ō pepa pōti i roto i te mēra. Ka mate koe ki te tono i ngā pepa pōti motuhake mai i te āpiha whakahaere pōti a tō kaunihera ā-rohe.

Ko te rā whakamutunga ki te rēhita ki te pōti ki ngā pōtitanga ā-rohe ko te Paraire te 7 o Oketopa.

Whakapā atu ki tētahi āpiha pōti (Pōti ā-Rohe)

Ngā rā hira mō Ngā Pōtitanga ā-Rohe 2022

30 Hune Ka tukuna atu ngā mōkī whakahou rēhita ki ngā kaipōti katoa kua rēhita mai i tēnei rā
12 Ākuhata Ka kati te pōtitanga mō te rārangi pepa pōti tā — rēhita i mua o te 12 o Ākuhata kia whiwhi ai koe i ō pepa pōti i roto i te mēra. Ki te rēhita koe i muri i tēnei rā, ka āhei koe ki te tono i ngā pepa pōti motuhake mai i te āpiha whakahaere pōti a tō kaunihera, Whakapā atu ki tētahi āpiha pōti
16-21 Hepetema Ka tukuna ngā pepa pōti ki ngā kaipōti katoa kua rēhita e ngā kaunihera katoa
Rāhoroi 8 Oketopa Ka kati ngā pōti hei te poupoutanga o te rā