Tauranga voting starts in

Voting in Local Elections

The content on this page can be viewed in the following languages

Ka whakahaerehia e ngā kaunihera ngā pōtitanga

Ka whakahaerehia ngā pōtitanga ā-rohe e ngā kaunihera. Ka tohua e ia kaunihera he āpiha pōti hei whakahaere i tana pōtitanga.

Mēnā kua rēhita koe, ka tukuna e tō kaunihera ō pepa pōti mā te mēra ina eke te wā ki te pōti.

Me whakapā atu ki te āpiha pōti a tō kaunihera (Pōti ā-Rohe)

Ko te mahi a Te Kaitiaki Take Kōwhiri he whakarite he rārangi pōti hou tonu tā ia kaunihera mō ngā pōtitanga. Kāore e whakahaerehia e mātau ngā pōtitanga ā-rohe.

Ina pōti koe kei runga koe i te rārangi Māori 

Ka whai pānga pea te rārangi pōti kei runga koe ki te āhua o tō pōti i ngā pōtitanga ā-rohe.

Mēnā kei runga koe i te rārangi Māori, ā, he rohe pōti Māori tō tō kaunihera ā-rohe, ka pōti koe mō tētahi kaitono, ngā kaitono rānei i roto i te rohe pōti Māori, te rohe pōti rānei.

Ngā rohe pōti Māori me ngā rohe pōti (Pōti ā-Rohe)

Tō kōwhiringa rārangi

Mēnā he Māori koe, ā, kei te rēhita koe mō te wā tuatahi, he kōwhiringa nui tāu hei tuku. Me whiriwhiri e koe ko tēhea te rārangi pōti e hiahia ana koe ki te eke atu: te rārangi whānui, te rārangi Māori rānei.

I muri i tō rēhita, ka āhei koe ki te whakawhiti rārangi i te wā o te Kōwhiringa Pōti Māori ka tū i ia 5 tau, 6 tau rānei i muri i te Tatauranga Whānui. Ka tū te Kōwhiringa Pōti Māori hei te tau 2024. Mēnā kua rēhita kē koe, kāore koe e āhei ki te whakawhiti rārangi i mua o ngā pōtitanga ā-rohe 2022.

Rārangi whānui, rārangi Māori rānei

Te pōti i a koe i runga i te rārangi huna

Mēnā kua rēhita koe ki te rārangi huna, ko te tikanga o tērā kāore e puta tō ingoa ki te rārangi rohe pōti tā. Me tono koe ki te āpiha pōti i tō kaunihera ā-rohe kia whiwhi ai i ō pepa pōti, i te mea kāore e tukuna ki a koe i roto i te īmēra.

Whakapā atu ki tētahi āpiha pōti (Pōti ā-Rohe)

Te pōti i tāwāhi

Mēnā kei tāwāhi koe, ka āhei koe ki te rēhita ki te pōti i roto i ngā pōtitanga ā-rohe mēnā he kirirarau koe nō Aotearoa i te noho ki Aotearoa i roto i ngā tau e 3 kua hipa, he kainoho tūturu rānei nō Aotearoa i te noho i Aotearoa i ngā marama 12 kua hipa.

Mēnā kei runga koe i te rārangi pōti engari kua kore e ū ki ngā paearu āheitanga, me īmēra mai koe ki remove@elections.govt.nz kia tangohia mai koe i te rārangi. Ka āhei koe ki te hoki ki te rārangi pōti ina ū anō koe ki ngā paearu āheitanga.

Me mātua whakarite kua rēhita tika koe ki tētahi wāhitau pōhi i tāwāhi kia whiwhi ai koe i ō pepa pōti. Kāore koe i te āhei ki te tikiake, te whakahoki ā-tāhiko rānei i ngā pepa pōti mō ngā pōtitanga ā-rohe.

Te rārangi pōti takitaro

Mēnā 17 ō tau, ā, kei runga koe i te rārangi pōti takitaro, ka rēhita aunoatia koe ki te pōti ina eke koe ki te 18 tau.

Te pōti mēnā he whenua/whare tōu i tētahi takiwā kaunihera, engari kāore i te noho i reira

Mēnā he whenua tōu e utu reiti ana koe i tētahi takiwā kaunihera, engari kei waho kē atu koe e noho ana i te nuinga o te wā, ka āhei koe ki te tono kia eke atu koe ki te rārangi kaiutureiti. Ka āhei koe ki te pōti i te takiwā e utu reiti ana koe, me te wāhi e noho ana koe.

Hei tono, me whakapā atu ki te āpiha pōti mō te takiwā kaunihera e utu reiti ana koe engari kāore koe i te noho i reira. Ka tukuna atu e te āpiha pōti he puka ki a koe hei whakakī, hei waitohu, ā, me whakahoki kia pai ai tana tirotiro mēnā kei te āhei koe.

Whakapā atu ki tētahi āpiha pōti (Pōti ā-Rohe)