- English
- Māori (active language)
Ā tēnei pōtitanga, 15 ngā wāhi pōti Kaupapa Māori e arahina ai koe ki te pōti i te rēo Māori.
Mō tātau katoa ngā wāhi pōti Kaupapa Māori. Ka kōrero ngā kaimahi i te reo Māori me te reo Pākehā hoki.
Nō ngā takiwā ake o aua wāhi pōti ngā kaimahi. Ka mihi atu rātau ki a koe, ā, ka āwhina i a koe ki te rēhita, ki te pōti hoki.
He rārangi o ngā wāhi pōti kei raro iho nei.
He wāhi pōti nō
Hei tāpiri atu ki ngā wāhi pōti Kaupapa Māori, ā tēnei pōtitanga, he wāhi pōti hei ētehi o ngā marae, ā, he wāhi pōti e pātata ana ki ētehi marae.
Tukua mai tō wāhi noho ki te kimi i tētehi wāhi pōti e tata ana ki tō kāinga,
Rēhita mai ki te pōti
Me mātua rēhita mai koe kia āhei ai koe ki te pōti. Mehemea he Māori koe, ā tō rēhitatanga mātahi ki te pōti, ka kōwhiri koe i te rārangi pōti Māori, i te rārangi pōti whānui rānei.
Ā muri i tō rēhitatanga, ka āhei koe ki te whakawhiti rārangi ahakoa te wā, engari kaua i te 3 marama i mua i tētehi pōtitanga.
Ināianei, kei roto tātau i aua 3 marama i mua i te pōtitanga, nō reira, mehemea kua rēhita kē koe, ko te rārangi e noho nā koe ināianei ko tō rārangi mō te Pōtitanga ā-Motu 2023.
Rēhita ā-ipurangi mai, tirohia ō taipitopito, whakahoungia rānei aua taipitopito
He rauemi reo Māori
Kia hōrapa te kupu mō te rēhitatanga me te pōtitanga i te Pōtitanga ā-Motu 2023. Anei he rauemi kua tuhia ki ētehi o ngā mita o ngā rohe pōti Māori, he rauemi hei tikiake māu, hei tuku atu hoki ki tō hapori.
He rauemi matihiko hei tuku atu
| Location | Kaupapa Māori voting place |
| Kaikohe | Te Wā Kaikohe 115B Broadway, Kaikohe |
| Whangārei | Te Kura Kaupapa Māori o Rawhitiroa 42 Vinegar Hill Road, Tikipunga, Whangārei |
| Auckland | Te Kura Kaupapa Māori o Hoani Waititi 441 West Coast Road, Glen Eden |
| Auckland | Te Kura Kaupapa Māori o Māngere 7 Comet Crescent, Māngere |
| Huntly | Te Wharekura o Rakaumangamanga 26 McDiarmid Crescent, Huntly West |
| Rotorua | Te Kura o Te Koutu 41 Russell Road, Koutu |
| Te Puke | Te Kura Kaupapa Māori o Te Matai 1327A Te Puke Highway, Waitangi |
| Napier | Te Kura o Te Ara Hou 22 Wycliffe Street, Onekawa |
| Palmerston North | Te Kura o Manukura 179 Centennial Drive, Hokowhitu |
| New Plymouth | Te Pi’ipi’inga Kakano Mai I Rangiatea 131 South Road, Spotswood |
| Ōtaki | Nga Purapura-Te Wānanga o Raukawa 145 Tasman Road |
| Shannon | Shannon Memorial Hall 8 Grey Street, Shannon |
| Wellington | Waiwhetū Marae 21 Puketapu Grove, Waiwhetū |
| Christchurch | Te Kura o Te Whānau Tahi 83 Lyttelton St, Somerfield |
| Dunedin | Te Hou Ora Whānau Services 78 Carroll Street, Central Dunedin |