Enrol from overseas

Ka taea e koe te rēhita ki te pōti i tāwāhi ina kua tika te katoa o ngā rerenga e whai ake nei:

• kua 18 tau tō pakeke, neke atu rānei
• kua neke atu i te 12 marama koe e noho tonu ana ki Aotearoa i tētahi wā o tō oranga katoa
• ko koe tētahi o ēnei:
  • he kirirarau o Aotearoa kua toro mai ki Aotearoa i ngā tau e 3 kua taha ake nei
  • he kainoho tūturu o Aotearoa kua toro mai ki Aotearoa i ngā marama 12 kua taha ake nei

Ehara i te mea whakature te rēhita i tāwāhi — kei a koe te tikanga ina ka rēhita koe.

He kainoho tūturu koe?

Mō te take rohe pōti, he kainoho tūturu koe ina he tika tō noho ki Aotearoa i raro i te ture, ā, kāore he whakaritenga tōu ki te wehe atu i roto i tētahi wā kua tautuhia.

Ina nō Ahitereiria, Niuē, Tokerau, Kuki Airani rānei koe, ka taea e koe te rēhita ki te pōti ā te wā kua noho tonu koe ki Aotearoa mō te 12 marama, neke atu rānei.

He kaimahi kāwanatanga koe, he mema rānei o Te Ope Kātua o Aotearoa?

E māraurau ana koe ki te rēhita me te pōti ahakoa pēhea nei te roanga o tō noho i waho i Aotearoa:

• ngā kaimahi kāwanatanga e mahi ana ki tāwāhi, me ō rātou whānau
• ngā takawaenga kāwanatanga, ngā māngai hohoko, me ō rātou whānau
• ngā mema o Te Ope Kātua o Aotearoa, me ō rātou whānau.

Ka rēhita koe ki te rohe pōti i noho tōmua ai koe mō te 1 marama, neke atu rānei

Kimihia tōu rohe pōti mā te whakamahi i tōu wāhi noho

He uri Māori koe, ā, ko tēnei tō rēhitatanga tuatahitanga?

Mēnā he uri Māori koe, ā, koinei tō rēhitatanga tuatahitanga, he kōwhiringa hirahira tāu ā mua i te rēhita. Pānuitia te whārangi e whai ake nei.

Rārangi Whānui, Māori rānei?

Mēnā kua rēhita kē koe, me whakarite kia hōu rawa ōu taipitopito

Tirohia, whākahōungia rānei ōu taipitopito rēhita

Ka āhei te tono āwhina i tētahi e mōhio ana koe ki te te rēhita, ki te rehita māu rānei.

Ka taea e te kaitautoko te āwhina i a koe ki te whakakī i tō puka

Ka āhei te tono i tētahi kaitautoko, pērā i tētahi hoa, tētahi o tō whānau rānei, ki te āwhina i a koe ki te whakaoti i tō puka rēhita, ki te whakaoti rānei i te puka mōu.

Me waitohu e koe te puka.

Te tono ki tētahi ki te rēhita mōu

Ina kei tāwāhi koe, ka āhei koe te tono i tētahi ki te rēhita māu, mēnā kua rēhitatia kētia ia. Ka taea e koe te tono tētahi o tō whānau, tētahi hoa, tētahi tangata rānei he mana rōia tōna mōu.

Mēnā ka tonoa tētahi o tō whānau, hoa rānei kia rēhita mōu, me tuhi ia ‘‘Elector overseas — signed by their direction’  ki te taha o tōna waitohu ki te puka rēhita.

Mēnā ka tonoa tētahi, nōna te mana rōia, kia rēhita mōu, me tuhi ia ‘Elector overseas — Power of attorney’ ki te taha o tōna waitohu ki te puka rēhita.

Te āwhina i tētahi me te hauā ā-tinana, ā-hinengaro rānei ki te rēhita mai i tāwāhi.

Ina hia āwhina atu koe ki tētahi kei tāwāhi e kore e taea te whakaoti, te waitohu rānei i tāna puka rēhita nā tōna hauā ā-tinana, ā-hinengaro rānei, toroa te whārangi e whai ake nei e mōhio ai me pēhea:

Te whai āwhina ki te rēhita