General Election 2020 Results

About the 2020 General Election

The content on this page can be viewed in the following languages

Hei te 17 o Oketopa tū ai te Pōtitanga Whānui 2020 me ngā tāpaetanga pōti End of Life Choice, cannibis hoki.

Me rēhita koe kia āhei ai koe ki te pōti i te pōtitanga whānui me ngā tāpaetanga pōti.

E āhei ai koe ki te pōti, me 18 ō tau neke atu rānei, ā, taketake koe nō Aotearoa, me kainoho tūturu rānei, me te pūmau hoki o tō noho mai ki Aotearoa nei mō te 12 marama, ā neke atu.

Me rēhita, me whakahou tuihono rānei i ō taipitopito ināianei

Te KŌWHITI-19 me te Pōtitanga Whānui 2020

He whakaritenga ā mātau hei whakarite ki te tiaki i a koutou ko tō whānau.

Ka tōmua ake te tuwhera o te pōti mā te rua rā, ā, he nui ake ngā wāhi pōti hei whakaiti i ngā rārangi. E whakatenatena ana mātau i a koe kia pōti i tō rohe, ā, me heri e koe tāu ake pene mēnā ka taea. Ka whakaratoa e mātau te patuero i ngā wāhi pōti, ā, he whānui tonu mō te noho tawhiti. Mēnā me noho koe ki te kāinga, he tikanga pōti anō māu tae rā anō ki te pōti mā te mēra.

Kei konei te roanga ake o ngā haumarutanga kua whakaritea e mātou

Ka tīmata te pōtitanga hei te 3 o Oketopa

Mēnā kei Aotearoa koe, ka āhei koe ki te pōti mai i te Rāhoroi, 3 o Oketopa, ki te 7pm hei te rā pōti, Rāhoroi 17 o Oketopa. Ka taea e koe te pōti mai i tāwāhi atu i te Wenerei, 30 o Hepetema.

Te pōti i tēnei pōtitanga

Hei te Pōtitanga Whānui 2020, ka taea e koe te pōti mā ngā rōpū tōrangapū, me ngā kaitono e hiahiatia e koe kia noho hei māngai mōu ki te Pāremata.

Mō te roanga atu o ngā whakamārama mō te tuku pōti

Rapua tētahi wāhi pōti

Ka tuwhera ngā wāhi pōti huri noa i a Aotearoa, mā tērā e oti ai i ia tangata te pōti.

Kimihia he wāhi pōti i runga i te mapi

Kimihia he wāhi pōti mai i tētahi rārangi

Ka taea hoki e koe te pōti ki ngā tāpaetanga pōti e rua

Hei te pōtitanga whānui i te tau nei, ka taea e koe te pōti ki ngā tāpaetanga pōti e rua. Ki tōu wāhi pōti, ka hoatu ki a koe tētahi pepa pōti mō ngā tāpaetanga pōti me tō pepa pōti mō te pōtitanga whānui.

Ka taea e koe te pōti mō te mēnā rānei me whakaturehia te whakamahinga o te hua cannabis nei ia rā, ia rā. Ka taea hoki e koe te pōti mēnā rānei e whakamanahia ai te End of Life Choice Act 2019, e hoatu ai ki ērā tāngata whai mate tuamatangi te kōwhiringa kia tono āwhina ki te whakamate.

Mō te roanga atu o ngā whakamārama mō ngā tāpaetanga pōti, toroa www.referendums.govt.nz

Mō te whānuitanga atu o ngā kōrero mō te tuku pōti ki ngā tāpaetanga pōti

Ka tukuna ngā otinga pōtitanga tōmua i te rā pōti

Ka tukuna ngā otinga pōtitanga tōmua atu i te 7pm o te rā 17 o Oketopa ki www.electionresults.govt.nz.

Ka kaute mātou i ngā pōti tāpaetanga pōti whai muri i te rā pōtitanga whānui, kātahi ka whakapuaki i ngā hua tāpaetanga pōti hukihuki hei te Paraire, 30 o Oketopa.

Ka tukuna e mātau ngā otinga whaimana mō te pōtitanga whānui me ngā tāpaetanga pōti hei te Paraire, 6 o Noema.