Are you eligible to enrol and vote?

Ina 17 tau tō pakeke, ka taea e koe te whakakī i tētahi puka rēhita ināianei. Hei tō huringa tau 18, ka rēhitatia aunoatia koe e mātau, ā, ka rite koe ki te pōti. Ngāwari.

Mō te take rohe pōti, he kainoho tūturu koe ina he tika tō noho ki Aotearoa i raro i te ture, ā, kāore he whakaritenga tōu ki te wehe atu i roto i tētahi wā kua tautuhia.

E māraurau ana koe mō te rēhita me te pōti ina he kainoho tūturu, ā, kua noho tonu hoki koe ki Aotearoa mō ngā marama 12, neke atu rānei.

Mēnā me wehe koe i Aotearoa i mua o te paunga o tētahi wā, ehara koe i te kainoho tūturu, ā, kua kore koe e āhei ki te rēhita me te pōti. Ka whai wāhi te tangata he whakaaetanga ākonga, kaimahi, manuhiri rānei tāna ki tēnei.

Ka taea e koe te rēhita ki te pōti ā te wā kua noho tonu koe ki Aotearoa mō te 12 marama, neke atu rānei.

Ka taea e koe te rēhita ki te pōti nō tāwāhi ina e tika ana ngā rerenga katoa e whai ake nei:

• kua 18 tau tō pakeke, neke atu rānei
• kua noho tonu koe ki Aotearoa neke atu i te 12 marama i tētahi wā i tōu oranga
• ko koe tētahi o ēnei e whai ake nei:
  • he kirirarau o Aotearoa kua toro mai ki Aotearoa i ngā tau e 3 kua taha ake nei
  • he kainoho tūturu o Aotearoa kua toro mai ki Aotearoa i ngā marama 12 kua taha ake nei

Ko tō rohe pōti te wāhi whakamutunga i noho ai koe mō te 1 marama, neke atu rānei.

Ehara i te mea whakature te rēhita mai i tāwāhi — kei a koe te tikanga mēnā rānei koe e rēhita.

Mēnā ko koe tētahi o ngā hunga whai ake, e māraurau ana koe mō te rēhita me te pōti ahakoa pēhea nei te roanga o tō noho i waho i Aotearoa:

• ngā kaimahi kāwanatanga e mahi ana ki tāwāhi, me ō rātau whānau
• ngā takawaenga kāwanatanga, ngā māngai hohoko, me ō rātau whānau
• ngā mema o Te Ope Kātua o Aotearoa, me ō rātau whānau.

Ina whakahokia koe kia whakawākia, ina herea ā-kāinga, ina whakarite rānei i tētahi whiu ā-hapori, ā, e tutuki ana i a koe ngā paearu māraurau kei runga ake nei, ka taea e koe te pōti.

Kua wātea mai te ringa āwhina ina tē taea e koe te tae atu ki tētahi wāhi pōti.

Ina noho kāinga kore koe, ka taea e koe te rēhita i te wāhi noho i pau ai ki reira te nuinga o te wā. Ka taea hoki te rēhita i te wāhi noho whakamutunga i noho ai koe neke atu i te marama kotahi, ahakoa kua roa kē i mua taua wā.

Hei te wā e rēhita koe, me hoatu tētahi wāhitau pōhi e tukuna ai ngā pānui pōtitanga ā-rohe, pērā i ngā whakaaetanga rēhita. Ka taea te Pouaka PO, te wāhi noho o tētahi hoa, o tētahi o te whānau, he rōpū hāhi, tautoko rānei, engari ko te mea me whakaae taua tangata nei kia mau ki tō pōhi kia tīkina rā anō e koe.

Kua kore koe e āhei ki te rēhita me te pōti ina e tika ana tētahi o ngā tauākī e whai ake nei:Kua kore koe e āhei ki te rēhita me te pōti ina e tika ana tētahi o ngā tauākī e whai ake nei:

• he kirirarau koe o Aotearoa kua kore e noho ki Aotearoa i ngā tau e 3 kua taha ake nei
• he kainoho tūturu koe o Aotearoa kua kore e noho ki Aotearoa i ngā marama 12 kua taha ake nei
• me wehe koe i a Aotearoa ā mua i te paunga o tētahi rā kua tautuhia, pērā i te rangi  i runga i tētahi whakaaetanga ākonga, kaimahi, manuhiri rānei
• kei te whakarite koe i tētahi whiunga mauhere ki tētahi whare herehere ki Aotearoa
• kua noho koe ki tētahi hōhipera mate hinengaro neke atu i ngā tau e 3 i muri i te hāmenetia ki tētahi taihara
• kua whakaharaina koe ki tētahi mahinga kino, ā, kua tāpirihia ki te Rārangi Mahinga Kino

Mēnā kua kore koe e mōhio ki tō māraurau, waea atu ki 0800 36 76 56.

Whakapā atu ki tō kairēhita rohe pōti paetata

Tirohia ngā ture e pā ana ki te māraurau mō te rēhita