Ehara i te mea kei te haumaru te āhua o ngā tāngata katoa i te wātea tūmatanui mai o ā rātau taipitopito ki te rārangi pōti, engari ehara i te mea ka ngaro tō tika ki te pōti.
Me pēhea te uru ki te rārangi huna
Hei tono kia eke ki te rārangi huna matatapu, kōwhiria tētahi o ngā kōwhiringa e whai ake:
- tīkina ake te puka kei raro o tēnei whārangi, whakakīa te puka ka īmēra mai
- waea ki 0800 36 76 56, ā, ka tukuna atu te puka ki a koe mā te mēra.
Mēnā kāore koe i te rēhita i tēnei wā, me whakaoti anō e koe he puka rēhita. Hei whiwhi puka rēhita, kōwhiria tētahi o ēnei kōwhiringa:
- waea atu ki 0800 36 76 56, ā, ka tukuna atu tētahi puka rēhita ki a koe
- tīkina ake tētahi puka rēhita i vote.nz hei whakaoti ka tuku mai.
Tīkina ake tētahi puka rēhita (PDF, 67KB)
Me pēhea te whakahoki i te puka
Me karapa, whakaahua rānei i tō puka kua whakakīa me ngā mōhiohio tautoko ka īmēra mai.
Īmēra: unpublished.roll@elections.govt.nz
He aha ngā kōrero tautoko me whakauru e au?
Me tuku kōrero koe hei whakaatu i te take me rēhita koe ki te rārangi huna matatapu. Anei ētahi tauira o ngā momo kōrero hei whakauru. (Ehara i te mea me whakauru i ēnei momo kōrero katoa hei tono.)
- He reta e whakamārama ana i ō āhuatanga mahi, whaiaro rānei e noho mōrearea koe. Tērā pea ko tētahi reta mai i tō kaituku mahi, rōia, kaimahi ā-iwi, kaitaunaki, he tangata whaimana rānei nō te hapori.
- He tāruatanga nō tētehi whakahau whakamarutanga e mana ana i raro i te Ture Whakarekereke ā-Whānau 2018.
- He tārua o tētahi whakatau ārai e mana ana i raro i te Ture Nonotitanga 1997.
- Ngā mōhiohio mai i tētahi āpiha pirihimana, āpiha ara poutama rānei e whakamārama ana ka noho raruraru koe, tō whānau rānei ki te whakaputaina tō ingoa me tō wāhi noho.
Ka aha mēnā ka huria aku taipitopito whaiaro?
Ina uru koe ki te rārangi huna matatapu, me whakamōhio mai ki a mātau mēnā ka rerekē ō taipitopito rēhita, pērā i tō ingoa, wāhi noho rānei. Ka taea anō e koe te hoki ki runga i te rārangi tūmatanui ki te rerekē ō āhuatanga whaiaro.
Īmēra: unpublished.roll@elections.govt.nz
Me pēhea taku pōti mēnā kei runga au i te rārangi huna?
Ka taea e koe te pōti i tētahi wāhi pōti i tētahi pōtitanga whānui, tāpaetanga pōti, pōtitanga motuhake rānei. Me tuku pōti motuhake koe i te mea kāore ō taipitopito i runga i te rārangi tā ka whakamahia ki te tuku pepa pōti i te wāhi pōti.
Me whakakī e koe he puka tāpiri me ō pepa pōti hei whakaū i te rohe pōti i rēhita koe ki te pōti. Ehara i te mea me whakakī e koe te wāhi noho, ngā kōrero mō tō ingoa o mua rānei kei te puka mēnā kāore koe i te hiahia. Engari, mā te tuku i ēnei mōhiohio ka āwhina i a mātau ki te whakaū i tō āhei ki te pōti. Ina tae koe ki tētahi wāhi pōti, kei reira tētahi tangata hei tohutohu i a koe me aha.