Kei te hia āwhina koe ki te pōti?
Ki te hia āwhina koe kia pōti, he āwhina ka taea. E kapi ana i ngā kōwhiringa ko te pōti nā runga i te āwhina a tētahi tangata tautoko, i tētahi ratonga kōrero ā-waha rānei mā runga waea.
Tēnā whakapā mai mēnā e hiahia ana koe ki te kōrero ki ō kōwhiringa:
Me waea koreutu ki 0800 36 76 56 (ki +64 9 909 4182 rānei mēnā kei tāwāhi koe e waea mai ana)
Te pōti me te āwhina a tētahi tangata tautoko
Ki te hia āwhina koe ki te pānui, ki te whaitohu rānei i tō puka pōti, ka taea e tētahi hoa, e tētahi whanaunga, e tētahi kaimahi rānei i te wāhi pōti te tū hei kaiāwhina māu.
E āhei ana tā taua tangata:
- Haere i tō taha ki muri i te āraitanga pōti
- Pānui i ngā kupu me ngā mōhiohio kei te puka pōti
- Whaitohu i te puka pōti mōu ki te āta tonoa e koe
Kāore e āhei tana tohutohu i a koe me pōti ki a wai.
Te pōti mā te ratonga kōrero ā-waha mā te waea
Mēnā e kāpō ana, e āhua kāpō ana, he hauātanga rānei tōu e kore ai e taea e koe te whaitohu tō puka pōti i te korenga o tētahi kaiāwhina, ka āhei tō pōti mā te whakamahi i te ratonga kōrero ā-waha mā te waea.
Me mātua rēhita, e taea ai tō whakamahi i tēnei ratonga, ahakoa kua whakamahia kētia pea e koe i pōtitanga kē atu.
Te pōti mā te ratonga kōrero ā-waha mā te waea
Ngā wāhi pōti
Ka muia ngā wāhi pōti i ētahi wā i te rā. Mēnā he pai ake ki a koe te pōti i te wā kāore e tino muia ana, mēnā rānei ka hia āwhina koe, ko ngā wā pai mō te pōti i te nuinga o te wā, ko te 9am – 11am me te 2pm – 4pm, i te Mane ki te Paraire.
Te pōti mēnā kāore e āhei tō tae atu ki tētahi wāhi pōti
He rite tonu tā mātou whakarite i ngā ratonga pōti mā ngā tāngata kāore e āhei te tae atu ki tētahi wāhi pōti i ngā wā katoa, hei tauira, nā tētahi raru ā-hauora, ā-neke tinana rānei.
Kāore e āhei te tae atu ki tētahi wāhi pōti
Ngā kaipōti kua pāngia e te mate wareware
Ka āhei tonu te pōti a te hunga kua pāngia e te mate wareware, e tētahi mate hinengaro kē atu rānei, mēnā rātou e hiahia ana.