2020 General Election Results

Need help to enrol?

The content on this page can be viewed in the following languages

Rapu ko wai ka āhei ki te āwhina i a koe ki te pōti, ā, me pēhea te whakakanohi i te tangata kāore e taea e ia te whakaoti tana puka rēhita.

Te tiki tangata ki te āwhina i a koe

Ka āhei koe ki te tono i tētahi atu e mōhio ana koe ki te āwhina i a koe ki te rēhita, me pātai rānei ki tō kairēhita kaipōti o tō rohe.

Ka āhei tētahi kaitautoko ki te āwhina i a koe ki te whakaoti i tō puka

Ka āhei koe ki te pātai ki tētahi kaitautoko, pērā i tētahi hoa, he whanaunga rānei, ki te āwhina i a koe ki te whakakī i tō pepa pōti, te whakakī rānei i te puka mōu.

Ko te mea pai rawa kia tōmua tō rēhita i te mea ka māmā ake, ka tere ake tō pōti, engari ka taea anō e koe te rēhita i te rā pōti. Ka taea e tō kaitautoko koe te āwhina ki te rēhita i tō wāhi pōti paetata, te āwhina rānei i a koe kia rēhita tuihono. Mēnā ka rēhita tuihono koe i te rā pōti, ka tukuna he īmēra whakaūnga ki a koe. Me heri e koe te īmēra ki a koe ki tō wāhi pōti.

Ahakoa haere ai koe ki hea, me waitohu e koe te puka. Mēnā kāore e taea e koe te whakakī, te waitohu rānei te puka nā tētahi waimaero ā-tinana, ā-hinengaro rānei, me tono i tō kaitautoko kia pānuitia mai ngā mōhiohio kei raro iho o tēnei whārangi, ina ka taea pea te whakakanohi i a koe.

Me pātai ki tō kairēhita kaipōti ki te āwhina i a koe

Ka tiakina e tō kairēhita o tō rohe te rārangi pōti mō te rohe e noho ana koe. E wātea ana ia ki te āwhina i a koe ki te rēhita me te whakautu i ō pātai mō te rēhita.

I mua i tō whakapā atu ki tētahi kairēhita, me mōhio koe kei tēhea rohe pōti koe.

Kimihia tō rohe pōti mā te whakamahi i tō wāhi noho

Ina mōhio koe ki tō rohe pōti, kimihia ngā taipitopito whakapā mō tō kairēhita o tō rohe ka whakapā atu.

Te whakapā atu ki tō kairēhita kaipōti o tō rohe

Mēnā kei te whakakanohi koe i tētahi tangata kāore e taea e ia te whakakī tana puka

Mēnā kei te mōhio koe ki tētahi tangata kāore e taea e ia te whakaoti me te waitohu tana puka rēhita nā tētahi waimaero hinengaro, ka taea pea e koe ia te āwhina.

Te āwhina i te tangata waimaero ā-tinana

Mēnā kua rēhita koe ki te pōti, ka āhei koe ki te whakakī me te waitohu i tētahi puka rēhita mā tētahi tangata kāore e taea e ia anō te mahi nā tētahi waimaero ā-tinana. Me tuhi ‘Elector with physical impairment — signed by their direction’ ki te taha o tō waitohu.

Ka taea anō e koe te whakakī me te waitohu te puka mēnā kei a koe te mana ā-ture. Me tuhi ‘Elector with physical impairment — power of attorney’ ki te taha o tō waitohu.

Ka taea e koe te tukuatu te puka kua whakakīa, me īmēra mai rānei.

Tukuna atu tō pukakua oti te whakakī

Īmēra enrol@vote.nz

Te āwhina i te tangata waimaero ā-hinengaro

Ka taea e koe te whakakī me te waitohu tētahi puka rēhita mā tētahi tangata kāore e taea e ia anō te mahi nā tētahi waimaero ā-hinengaro mēnā:

  • kua rēhita koe ki te pōti
  • he mana ā-ture tōu
  • ko koe te kaitiaki oranga i tohua.

Me whakakī e koe tētahi atu puka

Me whakakī e koe tētahi atu puka kia pai ai te whakapā atu ki a koe te māngai o te tangata waimaero ā-hinengaro. Whakapā mai mō tētahi puka:

Waea 0800 36 76 56

Tukuna atu, īmēratia mai rānei ngā puka e rua:

Tukuna atu tō pukakua oti te whakakī

Īmēra enrol@vote.nz

Whakapā mai mēnā he pātai āu

Whakapā mai mēnā he pātai āu mō te whakaoti i tētahi puka rēhita mā tētahi atu.

Waea 0800 36 76 56