Kei te hia āwhina ki te rēhita?
Kimihia ko wai e āhei ana te āwhina atu i a koe ki te rēhita hei kaipōti, me ngā ara hei tautoko i tētahi kāore e taea tāna puka rēhita te whakakī.
E āhei ai tō pōti i te pōtitanga whānui, me rēhita rawa i mua i te weherua pō, 13 ngā rā i mua i te Rangi Pōtitanga.
Nō reira, mō te Pōtitanga Whānui 2026, kāore e whakaaetia ana kia rēhita mai, kia whakahoutia rānei ō taipitopito rēhita i muri i te weherua pō o te 25 o Oketopa, 2026.
E āhei ana tō tono i tētahi atu kia tautoko i tō whakakī i tō puka
E āhei ana tō tono i tētahi atu, he hoa pea, he whanaunga rānei, kia tautoko i a koe ki te whakaoti i tō puka rēhita, kia whakaoti rānei i tō puka mōu. Ka pai hoki kia āwhina tō kaitautoko i a koe kia rēhita mā te ipurangi.
Ahakoa te ara rēhita ka whāia e koe, me waitohu rawa e koe te puka. Mēnā kāore e taea e koe te puka te whakaoti, te waitohu rānei, nā tētahi hauātanga ā-tinana, ā-hinengaro rānei, tonoa tō kaitautoko kia pānui i ngā mōhiohio kei raro iho nei, i te mea ka āhei pea tana tū hei kaiwhakakapi mōu.
E āhei ana tō tae ā-tinana atu ki te rēhita ki tētahi wāhi rēhita, ki tētahi kaupapa rēhita hāereere rānei
Kua puta ō mātou ohu ki ngā hapori, ki ngā wāhi rēhita me ngā kaupapa rēhita hāereere hoki, e āwhina ana i te marea kia rēhita.
Ki te hia tautoko koe ki te rēhita, ki te whakahou rānei i ō taipitopito, kimihia tētahi wāhi rēhita, tētahi kaupapa rēhita rānei e tata ana ki a koe.
Mēnā koe e tū ana hei kaiwhakakapi mō tētahi atu tē taea e ia tana puka rēhita te waitohu
Ki te mōhio koe ki tētahi tē taea tana whakaoti, tana waitohu hoki i te puka rēhita nā tētahi hauātanga ā-tinana, ā-hinengaro rānei, ka āhei pea tō tautoko atu.
Te tautoko i tētahi e pāngia ana e te hauātanga ā-tinana
Mēnā kua rēhitatia koe hei kaipōti, e āhei ana tō whakaoti, tō waitohu hoki i tētahi puka rēhita mō tētahi atu tē taea e ia taua mahi māna anō i runga i tētahi hauātanga ā-tinana.
E āhei ana hoki tō whakaoti, tō waitohu hoki i te puka mēnā kei a koe te mana ā-rōia.
E pai ana tō uta mai i te puka kua whakaotihia ki konei, me īmēra mai rānei ki a mātou.
Utaina mai tō puka kua oti i a koe te whakakī
Īmēra mai: enrol@vote.nz
Te tautoko i tētahi e pāngia ana e te hauātanga ā-hinengaro
Mēnā kua rēhitatia koe hei kaipōti, e āhei ana tō whakaoti, tō waitohu hoki i tētahi puka rēhita mō tētahi atu tē taea e ia taua mahi māna anō i runga i tētahi hauātanga ā-tinana.
E āhei ana hoki tō whakaoti, tō waitohu hoki i te puka mēnā kei a koe te mana ā-rōia.
E pai ana tō uta mai i te puka kua whakaotihia ki konei, me īmēra mai rānei ki a mātou.
Utaina mai tō puka kua oti i a koe te whakakī
Īmēra mai: enrol@vote.nz
Te tautoko i tētahi e pāngia ana e te hauātanga ā-hinengaro
E āhei ana tō whakaoti, tō waitohu hoki i tētahi puka rēhita mō tētahi atu tē taea te mahi māna anō i runga i tētahi hauātanga ā-hinengaro, mēnā:
- kua rēhitatia koe hei kaipōti
- e pūmau ana tō pupuri i te mana ā-rōia
- kua kopoua koe hei kaitiaki i te ora o taua tangata.
Me whakaoti koe i tētahi puka atu anō
Ka mate hoki koe ki te whakakī i tētahi puka atu anō e taea ai tā mātou whakapā atu ki a koe hei māngai mō te tangata e pāngia ana e te hauātanga ā-hinengaro. He hononga kei te take o tēnei whārangi mā reira e tikiake ai i te puka, whakapā mai rānei ki a mātou kia tukuna ai tētahi puka ki a koe:
Waea utukore: 0800 36 76 56
Utaina mai, īmērahia mai rānei ngā puka e rua ki a mātou:
Utaina mai tō puka kua oti i a koe te whakakī
Īmēra mai ki: enrol@vote.nz
Whakapā mai mēnā he pātai āu
Whakapā mai mēnā he pātai āu mō te whakaoti i tētahi puka rēhita mō tangata kē atu.
Waea utukore: 0800 36 76 56