- English
- Māori (active language)
Te pōti i ngā pōtitanga ā-rohe
Mā ngā kaunihera ngā pōtitanga ā-rohe e whakahaere
Mā ngā kaunihera ngā pōtitanga ā-rohe e whakahaere. Mā ia kaunihera e kopou tētehi āpiha pōti hei whakahaere i te pōtitanga o taua kaunihera.
Mehemea kua rēhita koe i mua i te 1 o Ākuhata, ā te wā pōti, ka tukua e tō kaunihera ngā puka pōti ki a koe i te mēra.
Ko tā te Kaitiaki Take Kōwhiri he whāngai i ngā rārangi pōti e hou ana ki ia kaunihera i mua i ngā pōtitanga. Kāhore mātau e whakahaere, e tirotiro rānei i ngā pōtitanga ā-rohe.
Te pōti mehemea kei te rārangi muna koe
Mehemea kei te rārangi muna koe, kāhore e puta tō ingoa ki te rārangi pōti kua tāngia. Me tono koe ki te āpiha pōti i tō kaunihera kia tukua ō puka pōti ki a koe, i te mea kāhore e tukua atu ki a koe i te mēra.
Electoral officers (votelocal.co.nz)
Te pōti i tāwāhi
Mehemea kei tāwāhi koe, ka āhei koe ki te pōti i ngā pōtitanga ā-rohe mehemea he kirirarau koe nō Aotearoa kua toro mai ki Aotearoa i roto i ngā tau e 3 kua pahure ake, mehemea he kainoho pūmau rānei koe nō Aotearoa kua toro mai ki Aotearoa i roto i ngā marama 12 kua pahure ake.
Me tika tō rēhitatanga me tō wāhi noho i tāwāhi kia tae atu ai ō puka pōti ki a koe. Kāhore e āhei koe ki te tikiake, ki te tuku ā-ipurangi mai rānei i ō puka pōti mō ngā pōtitanga ā-rohe.
Te pōti ina pupuru whenua koe, ina pupuru whare rānei i tētehi rohe kaunihera, ahakoa kei rohe kē tō wāhi noho
Kei ia kaunihera tētehi rārangi pōti mō ngā tāngata e utu reiti ana mō tētehi whenua, mō tētehi whare rānei i taua rohe kaunihera, ahakoa kei rohe kē ō rātau wāhi noho. Ka āhei aua tāngata ki te pōti i te rohe e noho nei rātau me te rohe e utu nei rātau i aua reiti.
Mehemea e utu reiti ana koe ki tētehi rohe kaunihera ahakoa kei rohe kē tō wāhi noho, ā, e hiahia ana koe ki te tono kia pōti koe i roto i taua rohe, toro atu ki te āpiha pōti o te rohe kaunihera o reira.
Electoral officers (votelocal.co.nz)