- English
- Māori (active language)
Ka tukua atu he mōkī rēhitatanga i te mēra ki ngā tāngata katoa o te rārangi pōti i te wiki tuatahi me te wiki tuarua o Āperira 2025.
Ko tō mōkī rēhitatanga
Ina tae atu tō mōkī ki a koe, whakatuwheratia. Tirohia nēi tika ngā taipitopito mōu, tae atu ki tō wāhi noho me tō wāhi īmēra, mehemea kua tuhia tērā.
Nēi tika, kāhore he mahi nō hei mahi māu.
Ki te hiahia ki te whakahou i ngā taipitopito mōu, ki te whakawhiti rārangi rānei, mahia ināianei kia tukua ai ō puka pōti ki a koe.
Ka āhei koe ki te whakahou ā-ipurangi i ngā taipitopito mōu ki tō raihana hautū waka o Aotearoa, ki tō uruwhenua o Aotearoa, ki tō tuakiri whaimana RealMe rānei. Ka āhei hoki ki te whakakī i te puka i roto i tō mōkī rēhitatanga, ka whakahoki mai ai.
Rēhitatia, whakahoungia ā-ipurangi rānei
Ki te kore e whiwhi koe i tētehi mōkī rēhitatanga
Ki te kore e whiwhi koe i tō mōkī i te wiki tuatahi, i te wiki tuarua rānei o Āperira, he tohu tēnā kāhore anō koe kia rēhitatia mai, me whakahou rānei i ngā taipitopito mōu. Tirohia, whakahoungia ō taipitopito, kia āhei ai koe ki te pōti.