- English
- Māori (active language)
Mehemea he uri Māori koe nō Aotearoa, ka āhei koe ki te kōwhiri i te rārangi pōti Māori, i te rārangi pōti whānui rānei. Ka pā atu peangē tō kōwhiringa rārangi ki ngā kōwhiringa kaitono e hora ana ki a koe i roto i ngā pōtitanga ā-rohe.
Ko te rārangi pōti Māori, ko te rārangi pōti whānui rānei
Mehemea ka kōwhiri koe i te rārangi Māori, ā, he takiwā pōti Māori kei tō kaunihera, ka pōti koe i ngā kaitono i roto i taua takiwā pōti Māori.
Mehemea ka kōwhiri koe i te rārangi whānui, ka pōti koe i ngā kaitono i roto i te takiwā pōti whānui.
Kotahi anake te rārangi o ngā kaitono koromatua hei pōti māu, ahakoa te rārangi e noho nā koe.
He aha te Kōwhiringa Pōti Māori?
Me pēwhea e whakawhiti rārangi ai
Ki te hiahia koe ki te whakawhiti rārangi i mua i ngā pōtitanga ā-rohe, me whakatutuki i mua i te Tāite te 10 o Hūrae 2025 i te waenganui pō. Kāhore e āhei tātau ki te whakawhiti rārangi i ngā marama e toru i mua i ngā pōtitanga.
Ki te hiahia koe ki te whakawhiti rārangi, ka āhei ki te whakakī i te puka i roto i tō mōkī rēhitatanga, ka whakahoki mai ai. Ka āhei hoki ki te whakawhiti ā-ipurangi, ki te tā rānei i tētehi puka rēhita, ka tuku mai ai.
Rēhitatia, whakahoungia ā-ipurangi rānei
Ki te tono koe kia whakawhiti rārangi ā muri i te Tāite te 10 o Hūrae, ka tirotirohia tō tono ā muri i ngā pōtitanga ā-rohe.