- English
- Māori (active language)
Ko te hiahia āwhina koe ki te pōti?
Ka āhei koe ki te tono āwhina ki te pōti. Ko te ara hei whai māu he pōti i te taha o tētehi kaitautoko, he pōti rānei mā te ratonga pōti ā-waea, he aha rānei.
Toro mai ki te kōrerorero i ngā ara e wātea ana ki a koe:
Waea utukore mai ki 0800 36 76 56
Te pōti i te taha o tētehi kaitautoko
Mehemea ko te hiahia āwhina koe ki te pānui, ki te whakakī rānei i ō puka pōti, ka āhei tētehi hoa, tētehi whanaunga, tētehi kaimahi pōtitanga rānei ki te tautoko i a koe.
Ka āhei ia ki te:
- Haere ki tua i te ārai pōti hei hoa mōu
- Pānui ā-waha i ngā kupu me ngā pārongo o tō puka pōti
- Whakakī i ngā puka pōti, mehemea ka tono atu koe kia pērā
Kāhore e āhei ia ki te ārahi i ō kōwhiringa pōti i te pōtitanga pāerotanga o Te Pūwaha o Waikato.
Te pōti mā te ratonga pōti ā-waea
Mehemea he kāpō koe, he uaua rānei ki a koe te kite, he tūāhuatanga ā-tinana rānei e kore ai e taea e koe ō puka pōti te whakakī takitahi, ka āhei koe ki te pōti mā te ratonga pōti ā-waea.
Mē rēhita mai ki te whakamahi i te ratonga i te pōti pāerotanga o Te Pūwaha o Waikato, ahakoa kua whakamahia kētia peangē e koe i roto i ngā pōtitanga o mua.
Ko ngā wāhi pōti
He maha ngā tāngata i ētehi o ngā wāhi pōti, i ētehi wāhanga o te rā. Mehemea he pai ki a koe te pōti i te wā kāhore i te tino hoihoi te whare, mehemea rānei ka hiahia āwhina peangē koe, he pai te 9-11 i te ata me te 2-4 i te ahiahi hei wā pōti, i te Mane ki te Paraire.
Te pōti ina tē taea e koe te haere ki te wāhi pōti
He ratonga pōti e wātea ana ki te hunga tē taea e rātau te haere ki te wāhi pōti – hei tauira, nā tētehi take hauora, nā tētehi tūāhuatanga neke tinana rānei.
Tē taea e koe te tatū atu ki te wāhi pōti?
Ko ngā kaipōti kua pāngia e te mate wareware
Ko te hunga kua pāngia e te mate wareware, e tētehi mate hinengaro nō rānei, ka āhei tonu ki te pōti, mehemea e hiahia ana rātau.
He puka ārahi “Easy Read Guide to Voting” tā mātau hei pānui mā te hunga he uaua ki a rātau te pānui, te mārama rānei ki ngā tuhituhinga. He tūmomo pārongo tomopai hoki ā mātau mō te pōti i te pōtitanga.